Мексика астанасы Мехикода тергеушілер бірқатар кісі өліміне күдікті бұрынғы қасапшының үйінің астынан 17 адамның мәйітін тапты. Бұл туралы Newsroom.kz. тілшісі хабарлайды.
ABC News-тің хабарлауынша адам өлтіруге қатысы бар маньяктың тұрғын үйіндегі қазба жұмыстары 17 мамырдан бастап жүргізілуде, тәртіп сақшылары едендерді ашып, іздеуді жалғастыруды жоспарлап отыр. Олар жаңа құрбандар табылатындығын жоққа шығармайды. Көптеген жылдар бұрын жоғалып кеткен адамдардың жеке куәліктері мен басқа да заттары қоқыс төгілген үйден табылды. Бетон еденінің астынан табылған жалпы саны 3787 болатын сүйек фрагменттері мәйіттерді кішкене бөліктерге бөлшектенгенін білдіреді.
Билік 72 жастағы күдіктінің деректерін жарияламады, оны олар Андрес деп атайды. Ол соңғы жәбірленушіні, полиция командирінің 34 жастағы әйелін өлтіргеннен кейін ұсталды.
Адам өлтірді деген күдікке ілінген қасапшының үйінің астынан 17 адамның мәйіті табылған
Адам өлтірді деген күдікке ілінген қасапшының үйінің астынан 17 адамның мәйіті табылған