Эрнар Құрмашев Алматы әкімінің креативті экономика жөніндегі штаттық кеңесшісі қызметіне тағайындалды,деп хабарлайды
Newsroom+ақпарат агенттігі
Казинформ-ға сілтеме жасап. Эрнар Құрмашев 1984 жылы 18 желтоқсанда дүниеге келген. Сәтпаев атындағы ҚазҰТУ-ды бітіріп, New York Film Academy-де тағылымдамадан өтті. Kazakhstan Computer Graphics ЖШС басшысы, Astana Film Fund кинокомпаниясының директоры, Almaty Film Festival Халықаралық кинофестивалінің бас продюсері болып жұмыс істеді.
Алматы мәдениет басқармасының басшысы, ұлттық киноны қолдау мемлекеттік орталығының басқарма төрағасының орынбасары қызметтерін атқарған.
2021 жылдың сәуір айынан бастап "Қазақстанның креативті кәсіпкерлер қауымдастығы" ЗТБ басқарма төрағасы болып табылады.
"Томирис", "Анаға апарар жол", "Каникулы off-line", "аудандар", "бизнесмендер"сияқты бірқатар қазақстандық фильмдердің продюсері болған.
