Құтқарушылар Түркістан облысында адасып кеткен үш туристі Бүргілік тауынан тапты. Жас шамасы 26-27 жастардағы азаматтар. Сарыағаш ауданының тұрғындары. Олардың адасып кеткені туралы кеше сағат 12.00-де Түркістан облысы Төлеби ауданының «101» қызметіне хабарлама түскен. Іле -шала Қаз-авиа-спас тікұшағы іздеуге шығып, сағат кешкі 5 жарымда адасқандарды іздеп тапқан. Кешкі сағат 17: 55-те құтқарылған адамдар Шымкент қаласының әуежайына жеткізілді.
Естеріңізге сала кетейік, осы Түркістан облысында бұған дейін жоғалған 7 адамның үшеуі табылған еді. Өкінішке қарай тағы екі туристің денесі жеткізілді. Қалған екеуі әлі іздестіріліп жатыр.
