Өткен ғасырдың басында Америкада хит болған Turkestan музыкалық туындысының күйтабағы АҚШ Конгресі кітапханасының мұрағатынан табылды. Бұл туралы Newsroom+ақпарат агенттігі Елбасының баспасөз қызметіне сілтеме жасап хабарлайды.
Turkestan әнінің сөзін Бобби Джонс (Bobby Jones), музыкасын Джек Стерн (Jack Stern) жазған. Орындайтын — "American Quartet" тобы. Аталған әннің күйтабағы АҚШ Конгресі кітапханасының мұрағатынан табылды. Бұған Түркістандағы "Farab" кітапханасының ғылыми-зерттеу еңбегінің нәтижесінде қол жеткізілген.
Түрлі мұрағаттық деректер бойынша, күйтабақ 1906 немесе 1919 жылы жазылған болуы мүмкін.
Айта кетейік, бұл ән сол 1919 жылы Бродвейде хит болыпты.