Әнші Жазира Байырбекова сырқаттанып қалып, жедел жәрдем ауруханаға алып кеткен. Бұл туралы эстрада жұлдызы Instagram парақшасында жазды, деп хабарлайды
Newsroom+ақпарат агенттігі.
Байырбекова өзінің сырқаттанып қалуына байланысты орын алған қызықты жағдаймен де бөлісті. Белгілі болғандай, әншінің қарындасы оны ауырып қалатынын алдын ала көріп, оған ескерткен.
"Туған сіңілім Аққал Байырбек 3-4 күн бұрын хабарласып “әже сізге денсаулығын күтсін. Ауруы жанына батып тұрса да жұмыс істеп жүре бермесін” деді - деп хабарласты. Аққалдың айтқаны жедел жәрдеммен ауруханаға барғанда есіме түсті. Аққалдың түсіне үнемі бір әже кіріп алдынала көп нәрселер ескертіп тұрады.Біз тыңдамағанымызбен кейін әженің айтқаны дұрыс екеніне көзіміз жетіп жатады." , - деп жазды Жазира Байырбекова.
Жазира Байырбекова өз кезегінде бүгінде жағдайы жақсарып қалғанын жазды.
