Шымкентте үш айлық сәбидің тамағына түйреуіш тұрып қалған. Дәрігерлер шұғыл ота жасап, баланы құтқарып қалды. Бұл туралы қалалық денсаулық сақтау басқармасы хабарлады.
Қауіпті затты алып тастау үшін шұғыл түрде аурухана хирургтері Әкім Төлкібаев, Нұрбол Қоянбаев, Берік Тотиков ота жасады.
"Ота кезінде фибробронхоскоп көмегімен түйреуішті алып тастады. Баланың жағдайы жақсы, хаттамаға сәйкес қажетті ем алады", - деді дәрігер Әкім Түлкібаев.