Алматы облысының ішкі саясат басқармасына жаңа басшы тағайындалды

Бүгін Алматы облысының әкімдігінде ауыс-түйіс болды. Рахмет Есдәулетов ішкі саясат басқармасының басшысы болып тағайындалды. Р.Есдәулетов жаңа қызметке тағайындалғанға дейін Дін істері басқармасының басшысы болған. Ал ішкі саясат басқармасы бастығының міндетін Гүлмира Маупашева атқарып келген. Р.Есдәулетовтің мамандығы педагог болғанымен, еңбек өтілін Талдықорғанда ветеринар болып бастаған. Өмірбаяны осылай дейді. Ол әр жылдары облыстың мәдениет саласында түрлі қызметтер атқарған. «Мәдениет қайраткері» лауазымының иегері.