Шымкентте моншаға келуші жезөкшені таба алмағаны үшін монша әкімшісін пышақтаған, деп хабарлайды Newsroom+ақпарат агенттігі.
26 жастағы ер адам бұған дейін қарақшылық пен бұзақылық үшін бірнеше рет сотталған және шартты түрде мерзімінен бұрын босатылған болып шықты.
Абай аудандық сотының үкімінде көрсетілгендей, жас жігіт саунаға түн ортасына жақын келіп, карантинге байланысты монша жабылады деген әкімшінің сөзіне қарамастан, бумен қыздыратын бөлмені ашуын талап еткен.Оған қоса жеңіл жүрісті қыздарды шақыртуды сұраған. Әкімші келушінің тілегін орындаудан бас тартқан кезде, ол оған пышақ сұққан.
Әкімші бел тұсынан жарақат алды, содан кейін қашып, қосалқы бөлмеге жасырынған. Агрессивті келуші бос моншада біраз уақыт серуендеп, кейін кетіп қалған. Сол уақытта зардап шеккен жігіт полиция мен жедел жәрдем шақырған.
Дәрігерлер жәбірленушіні ауруханаға апарды, онда оған жарасын таңып емдеу жүргізілді. Жарақат жеңіл болды. Сол күні ол үйіне жіберілді. Полиция айналаны тінтіп жүріп, бір сағат ішінде күдіктіні ұстады.
Сот ер адамды пышақ қолдана отырып, аса қауіпті бұзақылық жасағаны үшін кінәлі деп таныды және бұрын өтелмеген жазамен бірге 5 жылға бас бостандығынан айыру мерзімін белгіледі. Сондай-ақ, үкім күшіне енгеннен кейін сотталған адам зардап шеккендерді өтеу қорына сот шығындары үшін 55 560 теңге және шамамен 87 мың теңге мөлшерінде міндетті төлем төлеуі тиіс.
Жезөкшені тауып бермеді: Монша келушісі әкімшіні пышақтады
Жезөкшені тауып бермеді: Монша келушісі әкімшіні пышақтады