Шығыс Қазақстан облысы коронавирус таралуына байланысты толығымен жабылды. Сонымен қатар, аймақта карантин 15 сәуірге дейін ұзартылды.
Бұл туралы ШҚО бас мемлекеттік санитария дәрігері Қанат Тұрдиевтің жаңа қаулысында айтылған.
"Растайтын құжаттарды көрсеткен кезде осы қаулының 1-қосымшасында көрсетілген адамдарды қоспағанда, азаматтардың облыс аумағына (-н) келуіне/кетуіне тыйым салынсын. Ерекше жағдайларда, осы қаулыда көрсетілген санаттарды қоспағанда, жекелеген санаттағы адамдарға аудандар мен қалалардың санитариялық бекеттері арқылы шығуға және келуге рұқсат ауданның/қаланың жергілікті атқарушы органының шешімі бойынша берілуі мүмкін", - делінген қаулыда.