Қазақстанда 1 наурыздан бастап карантин жеңілдей ме?

Атамекен ҰКП төрағасының орынбасары Юлия Якупбаева 1 наурыздан бастап Қазақстанда карантин талаптары жеңілдейтінін мәлімдеді. - Ведомствоаралық комиссияның отырысында коронавирустың таралу қарқынының төмендеуіне байланысты «Атамекен» ұлттық кәсіпкерлік палатасының бірқатар ұсынысы қабылданды, - деді Якупбаева. Оған сай, төмендегідей қызмет түрлеріне рұқсат етіледі: "Жасыл" аймақтағы өңірлер үшін: 1) көрермендермен спорттық жарыстар (келушілер лимиті талқыланады); 2) 50 адамға арналған ас ішу (бірақ зал қуатының 30% артық емес); 3) бильярд қызметі; 4) үй-жайлардағы балалар ойын-сауық клубтарының қызметі; 5) цирктер. "Сары" аймақтағы өңірлер үшін: Жексенбі күні базарлардың, сауда ойын-сауық орталығы мен сауда үйлерінің жұмысына шектеулер алынып тасталды. 1) боулинг қызметі; 2) компьютерлік клубтардың қызметі; 3) фитнес-орталықтар, бассейндер" делінген Якупбаеваның жазбасында. Оның айтуынша, санитарлық талаптарды сақтай отырып, барлық бизнес субъектілері біртіндеп жұмысқа қайта оралады.