АҚШ-тың жеті штатында аяз бен қолайсыз ауа райының салдарынан қаза тапқандар саны 34-ке жетті.
Өлім-жітімнің ең көбі Техас штатында тіркелген. Штатта ауа райының күрт суытуына байланысты 20 адам қайтыс болды, – деп жазады 24.kz.
Соңғы мәлімет бойынша бораннан Техастың 300 мыңға жуық тұрғыны жарықсыз, олардың 260 мыңнан астамы әлі күнге дейін сусыз отыр.Сәрсенбіде ауа райының қолайсыздығына байланысты шамамен 2300 ішкі және халықаралық рейс тоқтатылды. Техас, Миссисипи және Кентуккидегі әуежайда жағдай күрделі болып тұр.