Қазақстан кадрларынан айырылуда: үш тоқсан ішінде елден 15 жастан асқан 11,4 мың маман кетті, деп хабарлайды Ranking.kz зерттеуі.
Былтырғы сәйкес кезеңмен салыстырғанда бұл көрсеткіш 33,8 пайызға аз, дегенмен ол пандемияға байланысты шекаралардың жабық болуымен түсіндіріледі. Қазақстаннан кеткендердің ішінде мамандардың үлесі 54,3 пайызды құрады, бір жыл бұрын 50,6 пайыз болған.
Ел аймақтарының ішінде мамандардың көпшілігі Қарағанды облысынан кетті: 1,7 мыңнан астам адам. Көшбасшылардың қатарына Шығыс Қазақстан (1,6 мың маман), Қостанай (1,4 мың адам) және Павлодар (1,4 мың адам) облыстары да кіреді.
Ең аз кеткендер Қызылорда және Түркістан облыстарында байқалады: барлығы 23 және 29 адам.
Қазақстаннан кеткен мамандардың жартысынан астамының техникалық (3,3 мың адам), экономикалық (1,7 мың адам) немесе педагогикалық (мың адам) мамандықтары болды.
Елден 561 дәрігер, 387 заңгер, 280 сәулетші мен құрылысшы, ауыл шаруашылығы саласындағы 155 маман кетті. Қалған мамандықтар иелерінің саны төрт мыңға жуық.
Қазақстанға 2020 жылдың қаңтар-қыркүйек айларында шамамен 3,5 мың маман келді. Яғни, келгендер кеткен кадрлардың үштен бірін қамтымады.
Қазақстанға келген экономистердің саны елден кеткендердің 18,1 пайызын ғана құрайды: 1714 адамға 311 маман. Техникалық мамандар арасында келгендер мен кеткендердің арақатынасы 19,3 пайызды (3331 қарсы 643), заңгерлер арасында - 21,2 пайызды (387 қарсы 82), дәрігерлер арасында - үштен бірін (561 қарсы 187) құрады.
Ауыл шаруашылығы саласында келген мамандар кадр шығындарын біршама толықтырды: 43,9 пайыз (155 адамға қарсы 68).
Шетелге көшіп кеткен: Қазақстанда әртүрлі сала мамандары азайып жатыр
Шетелге көшіп кеткен: Қазақстанда әртүрлі сала мамандары азайып жатыр