Білім және ғылым министрлігі 8 колледждің лицензиясын қайтарып алды. Бұл туралы министрліктің ресми сайты хабарлады.
"Білім және ғылым саласында сапаны қамтамасыз ету комитеті оқу орындарының білім беру қызметіне мониторинг жүргізіп, тиісті материалдық-техникалық базасы жоқ колледждерді анықтады. Ол оқу орындарында сабақ жүргізілмеген немесе мектеп түлектері сол колледждерге (бірінші курсқа) оқуға түсуге қызығушылық танытпаған.
Мысалы, Көкшетау заң колледжі мен Талдықорған заң колледжінде білім алған студенттер түлек атанған соң, аталмыш оқу орындарының басшылығы лицензияларын өз еркімен қайтару туралы шешім қабылдады" делінген хабарламада.
Министрліктің мәлімдеуінше, барлық жабылған колледж студенттері басқа оқу орындарына уақытылы ауыстырылды және оқытушылары да жұмыспен қамтамасыз етілген.
Білім министрлігі 8 колледждің лицензиясын қайтарып алды
Білім министрлігі 8 колледждің лицензиясын қайтарып алды