2025 жылы қазақстандықтар 89 елге визасыз сапарға шыға алады. Биылдың өзінде визасыз режим елдерінің тізімі кеңейіп, 77 мемлекетке бару жеңілдейді. Бұл туралы «Нұр-Отан» партиясының «Өзгерістер жолы: әр азаматқа лайықты өмір» атты сайлауалды бағдарламасын орындаудың жол картасын талқылау барысында Үкімет басшысы Асқар Мамин айтты. Сондай-ақ экономикалық одақ аясындағы интеграция мен қазақстандық бастамаларды ілгерілету жұмыстары жалғасады. Ал 2022 және 2025 жылдары әлемдік және дәстүрлі діндер көшбасшыларының съезі өткізіледі.