Қарағанды облысының Шахан ауылында карантин шаралары күшейеді. Елдімекенде орналасқан қарттар үйінен кесел ошағы анықталды. Мекемеде 70 қария мен 29 қызметкер коронавирус жұқтырған, деп хабарлайды Newsroom+ақпарат агенттігі КТК телеарнасына сілтеме жасап.
Қарттар үйінде 91 тұрғын бар. Соның 70-нен қауіпті кесел анықталды. Және де 26 қызметкер де вирус жұқтырған. Қазір науқастардың барлығы ауруханаға жатқызылған, жағдайы алаңдарлық емес дейді. «Мекемедегі қариялардың 90 пайызына кесел жұққанша, ауру ошағы неге анықталмаған?» дегенге СЭС мамандары жауап бермей жалтарып отыр.
Эпидемиологтар кесел жұқтырғандармен қарым қатынаста болғандардың санын әлі анықтамаған. Соның салдарынан карантин күшейтіліп, сенбіден бастап шағын Шахандағы мектеп пен балабақшаның барлығы жабылмақ. Сауда орындары демалыста жұмыс істемей, жексенбіде ауылға қоғамдық көлік те қатынамайды.
Қарттар үйінде 99 адам коронавирус жұқтырған
Қарттар үйінде 99 адам коронавирус жұқтырған