Белгілі айтыскер-ақын Балғынбек Имашев күллі қазақ халқына үндеу жасады, деп хабарлайды Newsroom+ақпарат агенттігі.
Бұл туралы ол Instagram парақшасында жазды.
Көші-қон! Кім шынымен Мемлекетшіл? Кім думанды шетелде қыдыруды емес, туған мекенге туды ілуді қалайды? Мен бар қазаққа үндеу тастаймын! Карантинде қамалып, смартфонға қадалып бос жатқанша, бос жатқан жерге еге болайық. Теңіз жағасындағы Анталияға емес, Теріскейдегі Қызылжарға, Босфордағы Стамбулға емес, Тобылдағы Қостанайға, Кипрге емес, Керекуге көшейік. Кім қолдайды? Көше алмасаңыз да, үндеуді таратыңыз! Пікір жазып, көп адамның көруіне үлес қосыңыз! - деді Балғынбек ИМАШЕВ.