Алматыда театр мен кинотеатрдың қызметіне тыйым салынды, деп хабарлайды Newsroom+ақпарат агенттігі қаланың бас санитар дәрігерінің жаңа қаулысына сілтеме жасап.
Қаулыға сәйкес, мәдениет нысандары, ойын-сауық мекемелері, букмекерлік кеңсе қызметіне тыйым салынған.
Сондай-ақ, коронавирус инфекциясын жұқтырған барлық науқас ауруханаға жатқызылады.
Дүйсенбі-жұма аралығында сауда және ойын-сауық орталықтары 10.00-20.00 арасында жұмыс істейді, ал сенбі және жексенбіде жабық болады.
Жеке тұрған және ірі сауда нысандарындағы азық-түлік дүкендері мен дәріханалар штаттық режимде жұмыс істейді, бір келушіге 4 шаршы метр талабы сақталуы қажет.
Қоғамдық тамақтану орындары сағат 9.00-ден 20.00-ге дейін ұжымдық іс-шара өткізбей жұмыс істейді.
Базарлар 17:00-ге дейін жұмыс істейді, жексенбі күндері жабылады.
Сауда және ойын-сауық орталықтары мен сауда үйлерінде орналасқан қоғамдық тамақтану объектілері мен фудкорттардың жұмысы шектеледі. Жеткізу қызметі сағат 7.00-ден 20.00-ге дейін жұмыс істейді.
Қаулы 1 ақпаннан бастап күшіне енеді.
Алматыда карантин шаралары қайта күшейтілді
Алматыда карантин шаралары қайта күшейтілді