Мексика президенті Андрес Мануэль Лопес Обрадор коронавирус жұқтырғанын мәлімдеді, деп хабарлайды Newsroom+ақпарат агенттігі. Мексика көшбасшысы өз Twitter парақшасында әзірге жеңіл симптомдар байқалғанын, соған қарамастан ол ем қабылдап жатқанын айтты. "Өкінішке қарай, мен COVID-19 жұқтырдым. Симптомдар жеңіл, бірақ емделуді бастап кеттім. Әдеттегідей көңіл-күйім жақсы. Тек алға жылжимыз. Доктор Ольга Санчес Кордеро таңертеңгілік баспасөз конференцияларда менің орнымды басып, күнделікті нәтижелер туралы айтады",- деді ол өз жазбасында.Сонымен қатар, ол қоғамдық мәселелерді президент резиденцияснан бақылайтынын айтты.