Newsroom.kz порталы ең қысқа әңгімеге республикалық байқау жариялайды Newsroom+ақпарат агенттігі республикалық деңгейде өмірден алынған, шынайы оқиға желісіне құрылған ең қысқа әңгімелерге байқау жариялайды. Байқаудың мақсаты: Жастардың шығармашылық қабілетін шыңдау. Қаламы қарымды жастарды ынталандыру, ой түкпірінде жатқан тың идеяларын халыққа ұсыну. Жастардың кітап оқуға деген ынтасын ояту. Байқаудың шарты: - 16 мен 35 жас аралығындағы кез келген жас аталған байқауға қатыса алады; - Ең қысқа әңгіме 2200 символдан аспауы керек (міндетті талап); - Ең қысқа әңгіменің желісі өмірден алынған, шынайы оқиғаға негізделуі тиіс (шынайы кейіпкерлердің аты-жөнін өзгертіп беруге болады);
- Байқауға қатысушылар 2 Word құжат жіберуі тиіс: 1. Автор туралы шағын ақпарат (байланыс нөмірі, электронды поштасы, биография). 2. Байқауға қатысатын шығармасы.
- Қатысушылардың барлық шығармасы Newsroom.kz порталында жарияланады.
- Жеңімпаздарды анықтау онлайн дауыс беру арқылы және ұйымдастырушылар тарапы келіскен әділқазылар тарапынан жүзеге асады;
- Байқауға шығармалар 15 қаңтар мен 20 ақпан (2021) аралығында қабылданады.
- Шығармаларға дауыс беруге қосымша тағы 3 күн уақыт беріледі. 23 ақпан күні дауыс беру толық аяқталады.
- Жеңімпаздарды анықтау және оларды марапаттау да онлайн өтеді.
- Байқаудың жеңімпаздары туралы ақпарат 2021 жылдың 25 ақпанда сайт бетінде жарияланады.
- Байқау жұмыстарын сайттың info@newsroom.kz, margulan9308@gmail.com почталарына жіберу керек. Марапаттау: Байқау жеңімпаздарына І, ІІ және ІІІ дәрежелі диплом беріледі;
І орын: 50 000 теңгелік Меломан кітап дүкеніне сертификат ІІ орын: 30 000 теңгелік Меломан кітап дүкеніне сертификат ІІІ орын: 20 000 теңгелік Меломан кітап дүкеніне сертификатҚосымша сұрақтар бойынша: 8747-960-76-66