Қазақстанда бір жыл ішінде ет, әсіресе сиыр еті, жылқы еті мен қой еті қымбаттады. Еттің кей түрі бірден 16 пайызға қымбаттаған, - деп хабарлайды Newsroom+ақпарат агенттігі Energyprom-ге сілтеме жасап.
Сарапшылардың мәліметінше, 2020 жылдың үшінші тоқсанында әрбір қазақстандық орта есеппен 21,3 келі ет пен ет өнімін тұтынған. Бұл 2020 жылдың екінші тоқсанымен салыстырғанда 1 келіге және 2019 жылдың үшінші тоқсанымен салыстырғанда 1,4 келіге көп. Осылайша, елде ет өнімін тұтыну бір жылда жеті пайызға артқан. 
Қарағанды облысында әр тұрғын орташа есеппен 26,8 келі ет тұтынған. Одан кейін Ақмола облысының (25,4 келі) және Алматы қаласының (25,2 келі) тұрғындары.
2020 жылдың үшінші тоқсанында ет тұтынатындар саны өсуі Қарағанды облысында (3,3 келі), Нұр-Сұлтанда (2,7 келі) және Жамбыл облысында (2,3 келі) байқалады", - делінген сарапшылардың зерттеуінде. 