Ғалымдар коронавирусты анықтайтын қондырғы ойлап тапты

Испаниядағы Валенсия политехникалық университетінің ғалымдары ауадағы SARS-CoV-2 вирусын тікелей анықтай алатын қондырғы ойлап тапты. Бұл туралы  Newsroom+ақпарат агенттігі РИА Новости-ге сілтеме жасап хабарлайды. «Зерттеуді ПТР-тесттерінсіз COVID-19 инфекциясын жұқтырудың алдын алу үшін ескерту және бақылау жүйесі ретінде пайдалануға болады», - дейді зерттеу авторларының бірі Серхи Мораис. Жүйеге қоршаған орта аэрозольдерінде вирустық ақуыздардың бар-жоғын бақылайтын өте сезімтал биосенсор кіретіні айтылған. Зерттеушілердің пікірінше, олардың өнертабысы аурухананың ішінде инфекция жұқтыру ықтималдығын төмендету бойынша ұсыныстарды әзірлеуге көмектеседі.