Ата-ананың біреуі не қамқоршы өзінің Kaspi Gold картасына қосымша ретінде балаға арналған Kaspi Gold картасын рәсімдей алады, деп хабарлайды Newsroom.kz тілшісі.
Бұл туралы Kaspi.kz басшысы Михаил Ломтадзе хабарлады.
«Енді Kaspi Gold картасын балаға да ресімдеуге болады. Сондай-ақ, сіз балаңыздың телефонына Kaspi.kz қосымшасын орната аласыз. Өзіміздің кішкентай сүйікті клиенттеріміз үшін біз интерфейс пен функционалды барынша оңайлаттық. Ата-аналарға балаларын қолма-қол ақшасыз зат сатып алуға және өз қаражатын басқаруға ерте жастан үйретуге көмектесе аламыз деген сенімдеміз», – деді ол өз сөзінде. », - деді.Ата-ана өзінің Kaspi.kz мобильді қосымшасы арқылы баласының ұсақ шығынына ақша аудара алады, жұмсаған ақшасын көре алады, сондай-ақ интернетте зат сатып алуға рұқсатын басқара алады, ДСН-кодын ауыстырып, картаны бұғаттап және бұғаттан шығара алады.
Айта кетейік, бұған дейін елімізде балаларға арналған банк картасы болмаған.
Сұлтан Әбдірасыл