Қазақстандықтар тағы бір елге визасыз бара алады

Оман Сұлтандығының үкіметі  Қазақстан Республикасының, азаматтары үшін 10 күндік визасыз тәртіп енгізгенін жариялады, деп хабарлайды  Newsroom+ақпарат агенттігі. Сонымен қатар, әлемнің 103 мемлекетінің азаматтарына дәл осындай рұқсат берілді. Қазақстан азаматтары Оманға кіру үшін шекарадан өту кезінде қонақ үйді брондауды растау, сапар мерзіміне медициналық сақтандыру, қайту әуе билеті, төлқұжатында АҚШ, Аустралия, Канада, Жапония, Ұлыбритания немесе Шенген аймағының қолданыстағы визасы бар паспортты көрсетулері тиіс. Елде визасыз болуды ұзарту қарастырылмаған. Ережені бұзу әрбір мерзімі өткен күнге 10 омандық риал (шамамен 26 АҚШ долл.) мөлшерінде ақшалай айыппұл төлеу керек.