Әншінің күйеуімен суретке түспей кеткенін байқап, Динарадан оқырмандар оқиғаның мән жайын білмекші болады. Динара Қырықбаева күйеуімен ажырасып кетіпті. Бұл туралы ол Instagram желісіндегі парақшасында жазды, - деп хабарлайды Newsroom+ақпарат агенттігі. Халық ауызында жүрген қауесеттерді сейілту үшін әнші пост жазып, барлық пікірлерге жауап берді.
"Айтатын уақыт жетті. Директке күн сайын күйеуім туралы толассыз сұрақтар келіп жатады. Сөзімді өзгелер басқаша алып кетпес үшін өзім пост жазуға бел будым. Біз 5 жыл өмір сүрдік, біздің 3 тәтті балапанымыз бар. Ара-қатынасымыз жақсы, балаларымыз үшін ата-ана болып қала береміз. Балалардың да, менің де жағдайымыз жақсы, уайымдамаңыздар. Мені жақсы білетіндер біледі, мен хайпты ұнатпаймын, қалай бар солай жазып отырмын. Осыған байланысты енді ешқандай пікір білдірмеймін", - деп жазды Динара ҚЫРЫҚБАЕВА.