Өздігінен оқшаулау режимі адам психикасына теріс әсер етуі мүмкін, оны жоққа шығаруға болмайды. Дегенмен денсаулыққа тиімді жағын ойластырған дұрыс. Көп адам жаңалықтарға, қауесеттерге және коронавирус туралы қорқынышқа тым көп мән береді. Соның салдарынан дұрыс ұйықтамайды, физикалық тұрғыда өзіне күш түсіреді немесе адамдармен сөйлесудегі шекараларды елемейді. Бұл және бірқатар мінез-құлық қателіктерін Принстон университетінің ғалымдары CoViD-19-ға қарсы жүргізген зерттеулерінде атады. Өзін-өзі оқшаулау режимі психиканың созылмалы ауруларын ушықтыруға қабілетті. Алайда, бұл шектеу шараларын алып тастауға негіз емес, дейді ғалымдар. Олардың пікірінше, салауатты үй жағдайын ұйымдастыруға назар аударған дұрыс. Коронавирустық инфекцияның таралуы туралы статистиканың дұрыс түсіндірілмеуі де қателіктерге байланысты болды. Мысалы, ғалымдардың пікірінше, науқас санының азаюы туралы хабарламалар адамдардың жақсару сезімін тудырды. Керісінше науқстар санының көбеюі адамдар арасында дабылдарды тудырды. Коронавирустың әлемде таралуына ықпал еткен тағы бір қате, белгіленген әлеуметтік-этикалық стандарттар. Мәселен, кейбір елдерде адамдармен сәлемдесу кезінде оны түртіп, құшақтап, бетінен сүю әдетке айналған. Ғалымдар үкіметтер мен бұқаралық ақпарат құралдарын пандемия кезінде әлеуметтік қашықтықтың маңыздылығын белсенді түрде насихаттауға шақырады.
Ғалымдар адамдардың коронавирус кезіндегі басты қателіктерін атады
Ғалымдар адамдардың коронавирус кезіндегі басты қателіктерін атады
