Белгілі әнші Рүстем Жүгінісов үшінші мәрте әке атанды. Әншінің өзі желі парақшасында сүйінші хабарды жеткізген, деп хабарлайды Newsroom+ақпарат агенттігі. "Аллаға шүкір! Өміріміздің жалғасы Осман ұлымды қолыма алып қуанышымда шек болмай тұр! Барлығыңызға осындай қуаныш жұғысты болсын! Османдай батырды тоғыз ай көтеріп, аман-есен босанған аяулы жарыма мың алғыс!", - деп жазған ол инстаграм парақшасында.Әншінің оқырмандары жұлдыздың қуанышына ортақтасып, ақ тілектерін жаудырды. "Бауы берік болсын", "Құтты болсын", "Ғұмырлы болсын", "Керемет", "Осы келін өте ақылды, домбыраны қалай шертеді", - деп жазған пікір қалдырушылар. Рүстемнің ұлды болғанын естіген продюсер әрі медиаменеджер Алпамыс Шаримов те әншіге құттықтау пікір қалдырған.