Қазақстандық боксшы титулымен қоштасты

Қазақстандық  боксшы Мадияр Әшкеев америкалық Чарльз Конуэллден жеңіліc тауып, титулынын айырылды, - деп хабарлайды Newsroom+ақпарат агенттігі. Кездесу тоғызыншы раундттан соң тоқтатылды. Бокс Лос-Анджелестің Wild Card Boxing аренасында өтті.  Әшкеев пен Конуэлл арасындағы кездесуде бірінші орта салмақтағы USNBC және USBA титулдары сарапқа салынды. Біріншісі - қазақстандықтікі болған, екіншісі - оның қарсыласына тиесілі. Айта кетейік, 32 жастағы Әшкеев кәсіпқой бокста 14 кездесу өткізіп, барлығында жеңіске жеткен. 7 кездесуде ол қарсыластарын нокаутқа түсірген. 23 жастағы Конуэлл да 13 кездесуінің барлығында қарсыластарынан басым түскен. Он кездесуін нокаутпен аяқтаған. Салмақ өлшеу рәсімінде екі боксшының салмағы тең түскен болатын.