«Nur Otan» партиясы Шардара аудандық филиалы сайлауалды үгіт-насихат жұмыстарын қарқынды жүргізуде, деп хабарлайды
Newsroom+ақпарат агенттігі «Nur Otan» партиясы Шардара аудандық филиалының баспасөз қызметіне сілтеме жасап.
Тәуелсіздік мерекесі қарсаңында Қазақстан Республикасы Парламенті Мәжілісінің депутаттығына кандидаттар – Мөлдір Бақытжанқызы мен Ұлжанат Жұрымбетовалар шағалалы өлкеге арнайы ат басын бұрды.
Үміткерлер осы күні «Есіктен-есікке», экспромт және канвассинг шаралары бойынша жергілікті халықпен кездесулер ұйымдастырды. Халыққа қызмет көрсетіп отырған мекемелер мен дүкендерге, өзге де нысандарға барып жадынама қағаздарын іліп, таратты. Кездесулер Абай алаңында, қала орталығындағы «Жәния» сауда үйлерінде өз жалғасын тапты.
Мұнан соң үміткерлер шара барысында тұрғындардың үйлеріне барып, олардың тыныс-тіршіліктерімен танысты. Түйінді мәселелерін жазып алып, мүмкіндігінше партия тарапынан шешуге атсалысатындарын жеткізді.
«Nur Otan» партиясы Шардара аудандық филиалының Сайлау қорынан төленді 
