Сайрам ауданындағы Қасымбек датқа, Шіркін, Құрлық, Оразалиев, Теспе, Әсіларық және Ошақты елді мекендерінің 2 011 үйі мен 11 587 тұрғыны табиғи газбен қамтылады, деп хабарлайды Newsroom+Ақпарат агенттігінің тілшісі.
Бүгінгі таңда аудан аумағындағы 42 елді мекеннің 24-і табиғи газбен қамтылған. Олардың пайыздық үлесі - 57,1%.
2020 жылдың 16 желтоқсанына дейін қосымша 7 елді мекенге табиғи газ беріледі деп жоспарланып отыр. Қазірде табиғи газ жүйелерінің құрылысы Шапырашты және Береке елді мекендерінде аяқталған.
Аудандағы елді мекендердің жалпы саны - 9. Табиғи газ жүйелерінің жобалық, сметалық құжаттамалары дайын 7 жоба бар.
Облыс әкімдігі қаржыландыратын 5 елді мекенге арналған 4 жобадағы газ жүйесі құрылысының жалпы қаржысы 2,45 млрд теңгені құрайды. Соған байланысты 2020 жылға 4 млн теңге қаржы бөлінді.
Аталған елді мекендердегі газ жүйесінің құрылысы аяқталғанда, олардың пайыздық үлесі 85,7%-ды құрайды.
Қалған 4 елді мекенге арналған 3 жобаға жалпы құны 3,18 млрд теңге жұмсалмақ. Жоғарыда аталған жобалар қолдау тапқан жағдайда Сайрам ауданы табиғи газбен 100% қамтамасыз етіледі.
Сайрам ауданы 100 пайыз табиғи газбен қамтамасыз етілмек
Сайрам ауданы 100 пайыз табиғи газбен қамтамасыз етілмек