Тәуелсіздік күні қарсаңында Сайрам ауданында екі мектеп пайдалануға берілді, деп хабарлайды
Newsroom+Ақпарат агенттігінің тілшісі.
Білім ұясының ашылуы салтанатына Сайрам ауданының әкімі Сәдібеков пен ауылдың беделді азаматтары қатысты. Қонақтардың арасында ұстаздар қауымы да болды.
Жаңадан ашылған Қарабұлақ ауылындағы №92 жалпы орта мектебі 600 оқушыға арналған. Мемлекеттік және өзбек тілінде білім беретін оқу ордасының жалпы аумағы 7 200 шаршы метр. Мектепте 29 жалпы сынып және 5 интерактивті сыныптар қарастырылған.
Ақсуабад ауылындағы білім ұясы да 600 оқушыға арналған. Мектепте 48 жалпы сынып және 6 интерактивті сыныптар бар.
