Қуат Хамитов қаңтарда жекпе-жекке шығады

ресей Қазақстандық файтер Қуат Хамитов өзінің келесі жекпе-жегі туралы мәлімдеме жасады, деп хабарлайды Newsroom+ақпарат агенттігі Prosports.kz сайтына сілтеме жасап. «Найман» инстаграмдағы парақшасында 22 қаңтарда Магнитогорск қаласында AMC Fight Nights кеші аясында ресейлік Магомед Магомедовпен жұдырықтасатыны туралы хабарлады. Бұған дейін Хамитовтың сегізбұрышқа 7 қаңтарда оралатыны хабарланған болатын. Еске салайық, қазақстандық өзінің алдыңғы жекпе-жегін осы жылдың қыркүйек айында өткізіп, ресейлік Ахмад-Хан Боковты жеңген еді.