Ақмола облысы тұрғынының үйі өртеніп, төрт бірдей отбасы қақаған аязда далада қалған. Алайда қайырымды жандардың арқасында қиын жағдайда қалған отбасыға көмек көрсетілді, деп хабарлайды Newsroom+Ақпарат агенттігі baq.kz сайтына сілтеме жасап.
Ақмола облысында Әнепия есімді азаматтың үйі өртеніп, қыстың қысымшылығында төрт бірдей отбасы далада қалған. Үй иесі науқас болған. Қуанышқа орай, бар-жоғы бір аптада атамекендегі Алтайлық жерлестер алқасы бастаған Шортанды ауданының бас имамы, ауыл имамы, атамекендегі алтайлықтар, Шортанды ауданы Новокубанка ауылының халқы үлес қосып, «Ел үлесі пәтерге 337-баспана» қайырымдылық акциясы аясында зардап шеккен отбасына үйдің кілті табыс етілді.
Үйдің кілтін табыстауға Көкшетау облысының бас имамы Қуаныш Сәбитов, атамекендегі Алтайлық жерлестер алқасының төрағасы, Шортанды ауданның бас имамы Бақытбол Разданұлы, ауыл имамы, ауыл халқы қатысты.
Қыста үйі өртеніп кеткен отбасыға баспананың кілті табысталды
Қыста үйі өртеніп кеткен отбасыға баспананың кілті табысталды