Бұл күнді атап өту (5-желтоқсан) БҰҰ-ның шешімімен 1985 жылдан бері дәстүрге айналған. Ал Қазақстан Республикасы Президенті Қасым-Жомарт Тоқаевтың Жарлығына сәйкес «2020 жылды Еріктілер жылы» деп жарияланғаны белгілі. Биыл әлемді әбігерге салған аурудың алдын алу, жаппай таралуына жол бермеу мақсатында ауданымыздың еріктілері білек сыбана жұмыс жасады. Барлық қоғамдық жұмыстар мен қайырымдылық шараларда төбе көрсетті. Бүгін адамгершіліктің ақ туын көтерген қоғамның белсенді тобымен кездесу өтті. Аталған кездесуге аудан әкімінің орынбасары Аңсар Жаңабайұлы арнайы қатысып:
Пандемия кезінде жұмылған жұдырықтай ынтымақ-бірлікті таныта алдыңыздар. Қаншама жұмыстарды бірлесе атқардық. Еткен еңбек еш кетпейді. Ең үлкен сый – халықтың алғысы. Біз Сіздердің шын жүректен жасаған жұмыстарыңызды бағалаймыз, - деді А. Өсербаев
