АҚШ-тың қазіргі президенті Дональд Трамп тағы да сайлауда жеңетінін мәлімдеді, - деп хабарлайды
Newsroom+ақпарат агенттігі
РИА Новости порталына сілтеме жасап.
"Біз бұл сайлауда жеңеміз", - деді ол Джорджиядағы жақтастарының алдында сөйлегенде.
Ол тағы да демократтарға сайлауда бұрмалау жасады деген айып тақты.
"Барлық штатта жүз мыңдаған заңсыз дауыс берілген", - деді Ақ үй басшысы.
Сондай-ақ Трамп Джорджия штатында сайлауды талқылау үшін жергілікті заңнамалық жиын өткізуге шақырды. Президент бұл штатта сайлаушылардың пошта арқылы жіберген дауыс бюллетендерін тексерсе, "оңай және тез" жеңетініне сенімді.
