Зейнет жасына толуына байланысты ай сайынғы орташа төлем 22 806 теңгені, ал ең жоғарғы зейнетақы 506 980 теңгені құрады. Бұл туралы
Newsroom+ақпарат агенттігі қордың баспасөз қызметіне сілтеме жасап хабарлайды.
Баспасөз қызметінің мәлімдеуінше, Бірыңғай жинақтаушы зейнетақы қоры 1 қарашадағы жағдай бойынша азаматтарға 155,3 миллиард теңге төлем жасады.
2020 жылдың 1 қарашасындағы жағдай бойынша 320 335 адамға төлем төленді.
Тұтастай алғанда, 1,9 миллионнан астам зейнетақы төлемі мен сақтандыру ұйымдарына аударымдар жасалды. Жалпы сома 155,3 миллиард теңгені құрайды.
