Бала шақ балдырған кезбен есте қалуы керек. Аяз атаға хат жазып, сыйлық сұрайтын бүлдіршіндердің қарасы азайған. Отбасылық кикілжіңнің кесірінен бала психологиясы бұзылуда. Бұл туралы Newsroom+Ақпарат агенттігі хабарлайды.
Қазіргі балалар аяз атадан сыйлық емес, Алладан отбасының тыныштығын сұрап хат жазып жүр.
Әлеуметтің назарын аударған әлеуметтің желідегі 4 сыныптың оқушысы Аққалидың Аллаға жазған хаты көптің жүрегін елжіретті.
"Е Алла біздің отбасы ең бақытты отбасылардың бірі болса екен",- деп бастаған хаттың алғашқы сөйлемінен-ақ Аққалидың арманы "тыныштық" екені байқалады.Бала тілегінің барлығы бақытты отбасында тұру ғана... Анасының құрсағындағы сәбидің аман есен дүниеге келуі мен әкесінің жұмысқа тұруын тілеген Аққали бар болғаны тоғыз жаста.
Тәрбие тал бесіктен дейміз. Бірақ, кейде тәрбие бүлдіршінге емес, ата-анаға қажет. Баланың болашағы балалық шағымен тікелей байланысты. Бала ұлттың айнасы. Алайда, айнаны бұлыңғыр ететін отбасындағы жағдай.
"Көп-көп рақмет саған Алла!!!" деп тілегін аяқтаған Аққалидың осы бір бала арманы Алланың құлағына шалынсын.
Ойыншық ойнап, соңғы модельдегі телефон сұрайтын да, отбасының берекесін сұрайтын баланы да қазақ отбасы тәрбиелейді. Олқылықты орнына келтірейік!
Інжу ӨМІРЗАҚ