Сайрам ауданындағы заңсыз жұмыс істеп келген мал сою бекеттері, ет сату орындары, ветеринарлық дәріханалар, жем-шөп сату және жем-шөп қоспаларын өндіру, өткізу орындары толығымен бақылауға алынбақ. Бұл туралы e.gov сайтына NewsRoom+ Ақпарат тілшісі сілтеме жасап хабарлайды.
Аудан әкімі Ұласбек Сәдібековтің басшылығымен өткен жиналыстың күн тәртібінде бұдан бөлек, жұмыспен қамту және "Еңбек" бағдарламасы аясында мемлекеттік грант алған азаматтардың қаражатты мақсатты түрде жұмсауы, білім беру нысандарының құрылыс жұмыстары мен жаңа оқу жылына дайындығы пысықталды.