Ақмола облысының екі тұрғыны мен елордалық қыз порнографиялық материалдар жариялады деген күдікке ілінді, - деп хабарлайды Newsroom+Ақпарат агенттігі Ақмола облысы полиция департаментінің баспасөз қызметіне сілтеме жасап. "Облыстық полиция департаментінің қызметкерлері Желіде порнографиялық сипаттағы фотоларды таратқандарды анықтады. Ақмола облысының 23 және 25 жастағы екі тұрғыны, сондай-ақ елорданың 34 жастағы тұрғыны порнографиялық сайттардың біріне тіркеліп, интим сипаттағы суреттерді жариялағаны әшкере болды", - деді полицейлер.Ведомство мәліметінше, ҚР Қылмыстық кодексінің 311-бабы ("Порнографиялық материалдарды немесе заттарды заңсыз тарату") бойынша қылмыстық іс қозғалды.