Ресей президенті Владимир Путин үкімет мүшелерімен өткен кездесуде коронавирусқа қарсы әлемдегі алғашқы екпенің тіркелгенін жариялады, деп хабарлайды NewsRoom+ақпарат агенттігі.
«Менің білуімше, бүгін таңертең әлемде алғаш рет жаңа коронавирустық инфекцияға қарсы екпе тіркелді», - деді.Сондай-ақ ол аталған екпенің қажетті тексерулерден өткенін айтып өтті. Ол сонымен қатар өзінің қызы COVID-19 қарсы екпені қабылдағанын мәлімдеді.
"Осылайша ол өзін сынап көрді. Алғашқы екпеден кейін дене қызуы 38 ге көтерілді, келесі күні 37 көрсетті. Екінші күні де дене қызуы көтерілді. Алайда қазіргі кезде өзін жақсы сезінуде",— деді Путин.