"Бұл күн біз үшін қасиетті күн болуы керек»: Алматының зиялы қауымы Абай күнін тойлауда

Қазақстанда жаңа мереке пайда болды. Ол - 10 тамызда атап өтілетін Абай күні.   Алматының зиялы қауым өкілдері  қазақстандықтарды Абай күнімен құттықтайды. Қазақ жазушысы, драматург,  аудармашы Роллан Сейсенбаев бұл күннің маңыздылығын атап өтті. «Абай күні - қазақ мәдениеті, қазақ әдебиеті, поэзия күні. Абай күні - қыпшақтар рухының күні және бұл күн біз үшін қасиетті болуы керек. Мен барша қазақстандықтарды Поэзия күнімен құттықтаймын », - деді Роллан Сейсенбаев. Роллан Сейсенбаев Лондонда Абай үйін (1995 ж.), «Халықаралық Абай клубын (2000 ж.) құрғандығын естеріңізге сала кетейік.