Алматының кейбір аудандарында салқын су уақытша тоқтатылады,деп хабарлайды Newsroom+Ақпарат агенттігі. "11 тамызда сағат 9-дан кешкі 6-ға дейін Алатау ауданының аумағында орналасқан Зерделі ықшамауданында, Нұркент ықшамауданында, Алмалы ТК, Алатау ТК, Атлетикалық ауыл ТК-де орналасқан тұрғын үйлерге және басқа ғимараттарға салқын су беру тоқтатылады. 13 тамызда таңертеңгі 9-дан кешкі 8-ге дейін Түрксіб ауданында, Шолохов-Ержанов-Осипенко-Сауранбаев көшелерінің айналасында салқын су беру тоқтатылады, - деп хабарлады "Алматы су" МКК-да.Суық сумен жабдықтау қызметтерінің қысқа мерзімді шектеулері сумен жабдықтау желілеріндегі технологиялық жабдықты ауыстыру қажеттілігімен байланысты уақытша тоқтатылады. Жұмыс барысында әлеуметтік нысандар ауыз сумен қамтамасыз етіледі.