Қазақстан футбол федерециясы ФИФА-дан 1,5 миллион доллар көмек алады. Бұл қаржыны коронавирус пандемиясы кесірінен келген шығындарды өтеу үшін жұмсауға болады, - деп хабарлайды Newsroom+Ақпарат агенттігі Vesti.kz. сайтына сілтеме жасап.
ФИФА барлық 211 ұлттық федерацияға көмектесетіні хабарланды. Олардың әрқайсы, оның ішінде қазақстандық та, миллион доллардан грант ретінде және 500 мыңнан әйелдер футболына алады.
Ақша елдерге 2021 жылғы қаңтарға дейін түседі.
Федерациялар бұл ақшаны жарыстарды қайта бастау, ойынға қайту хаттамасын іске асыру, ұлттық командарлардың жарыстарға қатысуы, персонал жалдау, футбол инфрақұрылымы, сондай-ақ әкімшілік пен эксплуатациялық шығындарға жұмсай алады.
Еске салайық, футболдан Қазақстан чемпионаты коронавирус пандемиясына байланысты екі рет - наурызда және шілдеде шегерілген болатын. Кейін 3 тамызда өткізу жоспарланған. Алайда 29 шілдеде карантин режимі екі аптаға ұзартылған еді.