Енді демалыс аймағына алдын ала броньсіз кіре алмайсыз. Еліміздегі инфекцияның қауіптілігіне байланысты Алакөл және Бурабай курорттық аймақтарына арнайы демалу ережесі бегітілді. Бұл туралы Newsroom+Ақпарат агенттігі хабарлайды.
Шығыс Қазақстандағы Алакөлге бару үшін отбасы мүшесінің біреуінде ПТР тест нәтижесі болуы тиіс. Демалушылар блок бекеттерде алдын-ала жасалған броньды көрсетеді.
Пандемияға қарамастан, маусымның 20-нан шілденің 4-не дейін 600-ден аса қазақстандық Түркияда демалып келген. Тамыздан бастап Қазақстаннан Грузия мен Таиландқа әуе қатынасы ашылуы мүмкін.
ҚР Туризм индустриясы комитетінің төрағасы Дастан Рысбеков:
⁃ 20 маусымнан бастап Түркия мен Оңтүстік Кореяға халықаралық қатынас ашылды. 2020 жылғы 20 маусым мен 4 шілде аралығындағы кезеңде 622 қазақстандық турист туркомпания қызметін пайдаланып, Түркияда демалуға мүмкіндік алды. Өкінішке орай, эпидемиологиялық жағдайдың нашарлауына байланысты, Түркияға рейстер уақытша тоқтатылды”