Бүгін Қазақстанның халық қаһарманы, тұңғыш ғарышкер Тоқтар Әубәкіровтің туған күні. Ол 1946 жылы 27 шілдеде Қарағанды облысы, Қарқаралы ауданында дүниеге келген. Атамыз биыл 74 жасқа келді.
1991 жылы 2 сәуірде Кеңес Одағы Ғарышкерлер даярлау орталығында ғарышқа ұшу дайындығына кірісіп, сол жылы 2 қазанда Байқоңырдан «Союз ТМ-13» кемесімен ғарышқа ұшты. 1991 жылы 10 қазанда Жерге оралды.
– Тоқтар Әубәкіров қаз дауысты Қазыбек бидің тікелей ұрпағы.
– Халық қаһарманы Тоқтар Оңғарбайұлы тышқаннан қорқады.
– Ғарыш кемесінен бөлек велосипедпен жүргенді ұнатады.
– Марста өмір сүруге қарсы емес.
– Өзге ғаламшарлықтардың бар екеніне сенеді.
– Тоқтар Әубәкіров әлемнің екі жүз елу алтыншы, КСРО-ның жетпіс екінші, Қазақстанның бірінші ғарышкері.
– Қазақтың үшінші ғарышкері Айдын Айымбетов пен Тоқтар Әубәкіров бір күнде дүниеге келген. Екеуі де жеке мейрамын 27-шілде күні тойлады.
– Тоқтар Әубәкіров ғарышқа екінші рет ұшуды армандайды.
– "Әлемдегі ең қауіпті жануар – адам" деген оймен толықтай келіседі.
– Ғарыш әлемінде 7 күн 22 сағат 13 минут болған.
