Пандемияның кесірінен табысынан айырылғандардың бірі кіші және орта бизнес өкілдері, кәсіпкерлер. "Атамекен" ұлттық кәсіпкерлер палатасының басқарма төрағасы Абылай Мырзахметов кәсіпкерлердің қазіргі жағдайын мәлімдеді.Бұл туралы Newsroom+Ақпарат агенттігі хабарлайды.
Төрағаның айтуынша, бизнес өкілдері арасында өткізілген сауалнамаға 29 мыңнан астам кәсіпкерлер жауап берген.
"Сауалнамаға қатысқан 29 мың адамның қол астында 193 мың қызметкер жұмыс жасайды.Қазіргі ахуалға байланысты оның 28 мыңы қысқартылған.17,5 пайызы яғни,34 мыңнан астамы мәжбүрлі демалыстарға жіберілді",-деп мәлімдеді Абылай Мырзахметов.Әсіресе, Шымкент,Түркістан,Алматы,Маңғыстау облыстарында қысқартылған адам саны көп.Сауда саласында қызмет атқаратын адамдарға қиынға соққан. Сауалнама барысында бизнесмендердің 19 пайызы сұраныстңың жоғын айтып шағымданса, 22 пайызы қарызын төлей алмаса, қалған 19 пайызы салық төлей алмай отырғандығын айқан. "Мәселе өте күрделі.Өңір боп шешуге тырысамыз.Сұранысты арттыру негізі міндетіміз",-деді Мырзахметов.