Шілде айының басында анасынан айырылған Саят Медеуов әкесін де жер қойнына тапсырды.
Осыдан екі апта бұрын әншінің анасы қайтқандығын естісек, бүгін әкесі де о дүниеге аттанды. Бұл хабарды instagram желісіне досы Серік Абас-шах жариялады.
"Саят Медеуов бауырымның анасы бірінші шілдеде көз жұмған-ды. Араға екі апта салып әкесі қайтыс болыпты. Арасы екі-ақ апта.
Ақсақалдың жүрегін жарға деген аңсау шыдатпаған болар? Бір сөзбен айтсақ - құсалық. Адал махаббат деген әдемі сөз емес, осы ғой.
Екеуінің мекендері жұмақ болсын! Ауырмаңыздар! Қасыңыздағы жандардың қадірін біліңіздер! Өмір бір-ақ рет беріледі", - деп жазды ол.
