Коронавирус пандемиясы өмірімізге кенеттен келіп, бүкіл әлемге тез тарады. 500 мыңнан астам адамның өмірін алып кетті және ғаламшар тұрғындарының денсаулығы мен әл-ауқатына зор зиян келтірді.
Біздің еліміз де күрделі кезеңді бастан өткеруде, отандық денсаулық сақтау жүйесі өз мүмкіндігі шегінде жұмыс істеуде. Дәрігерлер мен медицина қызметкерлері күн сайын өздерінің кәсіби және азаматтық борышын адал орындап, вирус жұқтыру қаупіне ұшырайды. Мұндай сәттерде ынтымақтастық пен адамдарды өзара қолдау маңызды.
https://www.youtube.com/watch?v=6t3pUc9yedM
Президент Қасым-Жомарт Тоқаевтың коронавирусқа қарсы ұлтты жұмыла күресуге шақырған үндеуін және 13 шілде күнін пандемияның құрбаны болған қазақстандықтарды жалпыұлттық аза тұту күні деп жариялау туралы шешімін қолдай отырып, Сыртқы істер министрлігінің ұжымы отандық медицина мұқтаждықтары үшін шетелден медициналық жабдықтар, дәрі-дәрмек және жеке қорғану құралдарын сатып алу үшін қызметкерлердің жалақысынан ерікті негізде қаражат жинауды шешті.
Сонымен қатар, Қазақстандық дипломаттар бірлестігі өз мүшелерін волонтерлік қызметке белсенді қатысуға шақырды және оларды біздің медиктерге практикалық көмек көрсету үшін жіберуге дайын.
Бұл бастамалар эпидемияға қарсы біздің жалпы күресімізге өз үлесін қосады деп үміттенеміз.
Қазақстандық дипломаттар дәрігерлерге қолдау көрсетеді
Қазақстандық дипломаттар дәрігерлерге қолдау көрсетеді