Біртановтың міндеттерін кім атқаратыны белгілі болды

Коронавирустық инфекциядан емделіп жатқан кезде Денсаулық сақтау министрі Елжан Біртановтың міндеттерін кім атқаратыны белгілі болды, - деп хабарлайды NewsRoom+ тілшісі Stan.kz ақпарат агенттігіне сілтеме жасап. "Қазақстан Lенсаулық сақтау министрінің міндетін уақытша үш вице-министр: Олжас Әбішев, Людмила Бюрабекова және Ләззат Ақтаева атқаратын болады. Денсаулық сақтау министрлігінің жауапты хатшысының кестесіне сәйкес, үш вице-министр Елжан Біртанов толық сауыққанға дейін күн сайын Денсаулық сақтау министрінің міндетін кезекпен атқаратын болады", - деп хабарлады Денсаулық сақтау министрлігінің ресми өкілі Диас Ахметшәріп. Айта кетейік, 14 маусымда Біртанов коронавирусты жұқтырғаны туралы хабарланған болатын. Симптомдардың пайда болуына байланысты министр инфекциялық ауруханаға жатқызылды.