Саясат пен билік

«Саяси реформалар: тәуекелдер мен перспективалар» атты бірлескен отырыс өтті

Шараны Алматы қаласы әкімдігінің қолдауымен «Қазақстандық қоғамдық даму институты» КеАҚ ұйымдастырды деп жазады newsroom.kz порталы.

Іс-шараға саясаттанушылар, ҚазҰУ-дың профессорлық-оқытушылық құрамы, магистранттар, университет докторанттары және ҚҚДИ сарапшылары қатысты.

Эксперттік клуб қатысушылары Мемлекет басшысының соңғы Жолдауында айтылған саяси реформалар бағдарламасы бойынша өз пікірлерін білдіріп, қазақстандық қоғамды саяси трансформациялауға бағытталған бірінші кезектегі шараларды атап өтті.Сондай-ақ, сарапшылар болашақ реформалардың перспективаларын бағалап, ықтимал тәуекелдерге талдау жасады.

«Қазақстандық қоғамдық даму институты» КеАҚ Басқарма Төрағасы Қазбек Майгельдиновтың модераторлығымен өткен шарадасаяси реформалардың жаңа бағдарламасы республика өмірінің барлық саласына серпін беретін маңызды тарихи кезең екені атап өтілді.

Өз кезегінде Әл-Фараби атындағы ҚазҰУ Философия және саясаттану факультетінің деканы Бекжан МейірбаевПрезидент жолдауының жағымды тұстарын атап өтті:

«Сайлау жүйесінде болатын өзгерістер критерийлерден бастап, кез келген адамның, тіпті саяси жүйеге қатысы жоқ азаматтың сайлауға қатысуына мүмкіндік береді.Отанымыздың әрбір тұрғыны ПрезидентЖолдауының қаншалықты маңызды екенін түсінуі қажет. Бұл – еліміздің даму болашағы мен жаңа саяси бағытының көрінісі».

«Альтернатива»өзекті зерттеулер орталығының директоры, саясаттанушы Андрей Чеботарёвтіңайтуынша, конституциялық реформа Қазақстанның саяси өміріндегі маңызды оқиғаға айналады.

«Мемлекет басшысы Қасым-Жомарт Тоқаевтың референдум институтын пайдалануды қайта бастауы өзі жүргізіп отырған саяси бағыттың маңызды құрамдас бөліктерінің бірі, сондай-ақ елдің саяси жүйесін түбегейлі реформалауға жәнеазаматтарды мемлекеттік басқаруға кеңінен тартуы оның адалдығының көрінісі. Жарияланған саяси реформалардың мазмұны мен сипаты, оның ішінде суперпрезиденттік басқару моделінен шығуды ескере отырып, еліміздің негізгі заңына енгізілген тиісті түзетулерді қазақстандықтардың елеулі бөлігі қолдайды деп күтілуде.Конституциялық реформаны референдум арқылы жүзеге асыру, шет елдердегі және халықаралық ұйымдардағы саяси топтар мен қалың жұртшылық арасында оң пікір туғызуы мүмкін», – деп сенімді пікір білдірді Андрей Чеботарёв.

Саясаттанушы Дина Айкенова елдің даму бағытын айқындау туралы сөз қозғап, бұл бағытта алдымен саясат, одан кейін экономика маңызды екенінетоқталды.

«Саясат ресурстарды бөлуге жағдай жасайды, ол бәрін әділшешуге жауап береді. Саяси жүйенің трансформациясына келетін болсақ, мұнда ең бастысы–саяси мінез-құлық нормаларын, құндылықтарын, үлгілерін өзгерту», – деді саясаттанушыДина Айкенова.

ҚР Президенті жанындағы ҚСЗИ бас сарапшысы, саясаттанушы Әділ Каукенов Президент Жолдауында саяси жүйені жүзеге асыруға жетелейтін реформалардың маңызды бағыты көрсетілгенін атап өтті:

«Қасым-Жомарт Тоқаевтың жасы мен тәжірибесі оны ойдан шығарылған популизмнен, жеке ұпай жинауға немесе өзіне жаңа билік тетіктерін құруға деген ұмтылыстан сақтайды. Бұл тұрғыда жергілікті биліктің күшеюі, олардың бюджеттері мен еркіндікке ие болуы үлкен рөл атқарады. Сондай-ақ, үлкен аймақтарды бөлу салдарынан бірқатар маңызды елді мекендер тиісті назардан тыс қалып, қаржыландырусыз қалды. Қорытынды мақсат – «Қаңтарқасіреті» енді қайталанбайтын тұрақты және әділ мемлекеттік жүйені құру», – деді саясаттанушы Әділ Каукенов.

Жиынға қатысушылар еліміздегі қоғамдық-саяси ахуалдың өзекті мәселелері бойынша пікір білдіріп, қалыптасқан жағдайға сараптамалық баға берді және оларды шешудің негізгі тәсілдерін қарастырды. Бірлескен талқылауға қызығушылық танытқандардың барлығы қатысып, сұрақ қойып, пікір алмасты.

Іс-шара барысында, Қазақстандық қоғамдық даму институты және Әл-Фараби атындағы Қазақ ұлттық университеті өзара ынтымақтастық туралы Меморандумға қол қойды.

 

«Қазақстандық қоғамдық даму институты» КеАҚ

Баспасөз қызметі

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.