Саясат пен билік

Назарбаевтың басты қылмысы – халықтан билікті тартып алды – Серік Әбдірахманов

Белгілі қоғам қайраткері, экс-депутат Серік Әбдірахманов, отыз жылда сайлау науқандарын ұйымдастырған Орталық сайлау комиссиясының барлық төрағаларын жауапқа тартып, құқықтық бағасын беру керек деп есептейді. Бұл туралы ол «Сұрауы бар» YouTube арнасына берген сұхбатында айтты деп newsroom.kz хабарлайды.

«Назарбаевтың ең басты қылмысы – билікті халықтан тартып алды. Өтірік сайлаулар арқылы тартып алды. Осыған баға беруіміз керек. Сол себепті осы сайлау процестеріне қатысқандарды қылмыстық жауапқа тарту керек», – дейді экс-депутат

Алайда ол үшін бірінші кезекте сот жүйесін өзгерту керек деп жалғастырады сөзін Әбдірахманов. Бұл жүйедегі барлық былықтарды білемін деген экс-депутат, сөзімді салмақтайтын дәлелдерім бар деді.

«Олардың барлығы тағайындалады, орындарын сатып алады. Қазір ақшаларын қайтарып отыр. Сауда-саттық қазір сот жүйесінде әлі тоқтаған жоқ. Мына түрімізбен қайда барамыз? Прокуратура сол баяғы рэкет. Дәлелдер келтіре аламын. Мен Бас прокурордың қабылдауына сұрандым. Біреуі де қабылдамайды» – дейді Серік Әбдірахманов.

Әділ сайлау құқығынан айырылған халықтың қолында билігі жоқ, тәуелсіздігі жарым-жарты деп есептейді белсенді.

«Тоқаевтың алдына түрлі кірушілер бар, жалайырлар бар. Сол жалайырларға мен бір үндеу жасағым келеді. Барыңдар, бауырларыңды құтқарыңдар! Халыққа сенсін, сайлау өткізсін. Партияларды тіркесін, халыққа жақындасын. Тоқаев қабылдаса тек осыны айтамын» – дейді Әбдірахманов.

Тәуелсіздіктің алғашқы жылдарынан-ақ үлкен саясатта болған Серік Әбдірахманов, өзінің айтуы бойынша 2007 жылы еркін мәлімдемелеріне байланысты қызметтен шеттетілген. Зейнет жасына келген саясаттанушы қазір ресми түрде жұмыссыз. Өзі көрген ескі саяси жүйеге қатысты оның еркін ойларын төмендегі сілтеме арқылы көріңіздер!

Жазба қандай әсер қалдырды?

Жазбаға баға беріңіз!

Орташа 5 / 5. Бағалар саны: 1

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды.

Ең Танымал

Редакциямен байланыс:

E-mail: info@newsroom.kz

Телефондар: +7 (700) 685-71-25, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.